दोन महिलांसह पाच जणांविरुद्ध गुन्हा
marathinews24.com
पुणे – मसाज पार्लरमध्ये देहविक्रीय सुरू असल्याचा आरोप करुन मसाज पार्लर चालक महिलेकडून ३० हजार रुपयांची खंडणी उकळणाऱ्या दोन महिलांसह पाच जणांविरुद्ध गुन्हा दाखल करण्यात आला. खराडी परिसरात ही घटना घडली. याप्रकरणी दोन महिलांसह पाच जणांविरुद्ध खंडणी उकळणे, धमकाविल्या प्रकरणी गुन्हा दाखल करण्यात आला आहे. याबाबत महिलेने खराडी पोलीस ठाण्यात फिर्याद दिली आहे.
पादचारी शिक्षिकेचे मगळसूूत्र हिसकावले – सविस्तर बातमी
पोलिसांनी दिलेल्या माहितीनुसार, खराडी भागात मसाज पार्लर आहे. मसाज पार्लरमध्ये देहविक्रय करते, असा आरोप आरोपींनी केला होता. दोन महिला आणि साथीदारांनी महिलेला धमकावले. याप्रकरणात पोलिसांकडे तक्रार करणार आहोत, असे सांगून महिलेकडे २ लाख रुपयांची खंडणी मागितली. एका आरोपी महिलेने तक्रारदार महिलेला मारहाण केली. त्यानंतर आरोपींनी तडजोडीत दीड लाख रुपयांची खंडणी मागितली.
त्यानंतर तक्रादार महिलेने आरोपींना ३० हजार रुपये दिले. त्यानंतर आरोपींनी पोलिसांकडे तक्रार करणार नाही, असे सांगितले. पोेलिसांकडून कारवाई होणार नाही. आम्ही मध्यस्थी करु, असे आरोपींनी महिलेला सांगितले. गुरुवारी (१४ मे) महिलेला कोरेगाव पार्क परिसरात उर्वरित रक्कम घेऊन कोरेगाव पार्क भागात बोलाविले. त्यानंतर महिलेने पोलिसांकडे तक्रार दिली. तिने दिलेल्या फिर्यादीनुसार, गुन्हा दाखल करण्यात आला असून, सहायक पोलीस निरीक्षक गोडसे तपास करत आहेत.
