३५ किलो गांजासह रिक्षा जप्त
marathinews24.com
पुणे – रिक्षातून गांजा विक्री करणाऱ्या दोन रिक्षा चालकांना भारती विद्यापीठ पोलिसांनी अटक केली. त्यांच्याकडून ३५ किलो गांजा, रिक्षा असा आठ लाख रुपयांचा मुद्देमाल जप्त करण्यात आला. चारुदत्त काळूराम चव्हाण (वय २५, रा. गंगानगर, फुरसुंगी, हडपसर) असे अटक केलेल्याचे नाव आहे. याप्रकरणी भारती विद्यापीठ पोलीस ठाण्यात त्याच्याविरुद्ध अमली पदार्थ प्रतिबंध कायद्यान्वये गुन्हा दाखल करण्यात आला.
कोयत्याचा धाक दाखवून दाम्पत्याला शिवीगाळ, आरोपीला अटक – सविस्तर बातमी
भारती विद्यापीठ पोलिसांचे पथक कात्रज परिसरात गस्त घालत होते. आंबेगाव सेवा रस्त्यावर एक रिक्षा चालक थांबला असून, तो गांजा विक्री करत असल्याची माहिती मिळाली. त्यानंतर पोलिसांनी चव्हाणला पकडले. त्याच्याकडून ३३ किलो गांजा आणि रिक्षा जप्त केली. चौकशीत तो रिक्षातून फिरून गांजा विक्री करत असल्याची माहिती मिळाली.पोलिसांनी त्याला अटक केली.
दोन दिवसांपूर्वी भारती विद्यापीठ परिसरातून रिक्षातून गांजा विक्री करणाऱ्या एका रिक्षा चालकाला पोलिसांनी अटक केली होती. त्याच्याकडून अर्धा किलो गांजा, तसेच रिक्षा जप्त करण्यात आली होती. पोलीस उपायुक्त मिलिंद मोहिते, सहायक आयुक्त राहुल आवारे यांच्या मार्गदर्शनाखाली वरिष्ठ पोलीस निरीक्षक राहुलकुमार खिलारे, गुन्हे शाखेचे निरीक्षक कैलास कोडग, सहायक पोलीस निरीक्षक स्व्पनील पाटील, उपनिरीक्षक नीलेश मोकाशी, महेश बारावकर, मंगेश पवार, किरण साबळे, मंगेश गायकवाड, तुकाराम सुतार, अवधूत जमदाडे, सचिन सरपाले, मितेश चोरमले, नीलेश खैरमोडे यांनी ही कारवाई केली.
