ओैंधमधील वस्त्रदालनातून कपडे चोरीला

चोरट्यांविरुद्ध खडकी पोलीस ठाण्यात गुन्हा दाखल

marathinews24.com

पुणे– वस्त्रदालनातून चोरट्यांनी ३६ हजार रुपयांचे कपडे चोरुन नेल्याची घटना औंधमध्ये उघडकीस आली. याप्रकरणी चोरट्यांविरुद्ध खडकी पोलीस ठाण्यात गुन्हा दाखल करण्यात आला आहे. याबाबत एकाने खडकी पोलीस ठाण्यात फिर्याद दिली आहे.

मौजमजेसाठी दुचाकी चोरणारा तरुण अटकेत – सविस्तर बातमी 

पोलिसांनी दिलेल्या माहितीनुसार, तक्रारदाराचे बोपोडीतील भाऊ पाटील रस्त्यावर सिक्की कलेक्शन हे वस्त्रदालन आहे. चोरट्यांनी मंगळवारी मध्यरात्री दुकानाचा दरवाजा उचकटला. दुकानातील विविध प्रकारचे ३६ हजार रुपयांचे कपडे चोरुन चोरटे पसार झाले. मंगळवारी सकाळी दुकान उघडले. तेव्हा वस्त्रदालनात चोरी झाल्याचा प्रकार उघडकीस आला. पोलिसांनी घटनास्थळी भेट दिली असून, सीसीटीव्ही कॅमेऱ्यांनी केलेले चित्रीकरण तपासले आहे.

पसार झालेल्या चाेरट्यांचा माग काढण्यात येत असून, पोलीस कर्मचारी शेवरे तपास करत आहेत. आठवड्यापूर्वी चोरट्यांनी पौड रस्ता परिसरातील एका वस्त्रदालनाचा दरवाजा उचकटून सहा लाख रुपयांचे विविध प्रकारचे कपडे चोरून नेले होते.

ओैंध रस्त्यावरील बंगल्यात चंदन चोरी

ओैंध रस्त्यावरील बंगल्यातून चोरट्यांनी चंदनाचे झाड कापून नेल्याची घटना उघडकीस आली. याप्रकरणी खडकी पोलिसांनी चंदन चोरट्यांविरुद्ध गुन्हा दाखल केला आहे. याबाबत एकाने खडकी पोलीस ठाण्यात फिर्याद दिली आहे. पोलिसांनी दिलेल्या माहितीनुसार, तक्रारदारांचा खडकीतील औंध रस्ता परिसरात कैलास कुटीर इमारतीजवळ बंगला आहे. मंगळवारी मध्यरात्री बंगल्याच्या सीमाभिंतीवरुन उडी मारुन चोरटे आत शिरले. त्यांनी करवतीचा वापर करुन चंदनाचे झाड कापून नेले.

चंदनाचे झाड कापून नेण्यात आल्याचे उघडकीस आल्यानंतर पोलिसांकडे तक्रार देण्यात आली. पोलीस कर्मचारी चक्रे तपास करत आहेत शहरात चंदनाची झाडे कापून नेण्याच्या घटनांमध्ये वाढ झाली आहे. शासकीय कार्यालये, शैक्षणिक संस्था, तसेच सोसायटी, बंगल्यांच्या आवराातून चोरट्यांनी चंदनाची झाडे कापून नेली आहेत.