गळ्यातील सोन्याची चैन, मोबाईल चोरला
marathinews24.com
पुणे – रस्त्याने पायी चाललेल्या मुलाचा पाठलाग करून त्याच्या गळ्यातील ५० हजारांची सोन्याची चैन, २० हजारांचा मोबाइल दुचाकीस्वार चोरट्यांनी चोरून नेला आहे. ही घटना २ सप्टेंबरला संध्याकाळी साडेसहाच्या सुमारास येरवड्यातील सावंत पेट्रोल पंपाकडे जाणार्या रस्त्यावर घडली आहे. याप्रकरणी संबंधित मुलाने येरवडा पोलीस ठाण्यात फिर्याद दाखल केली आहे. त्यानुसार दोघा चोरट्यांविरूद्ध गुन्हा दाखल केला आहे.
भांडणाच्या रागातून अल्पवयीनांनी तरूणावर केला वार – सविस्तर बातमी
पोलिसांनी दिलेल्या माहितीनुसार, तक्रारदार मुलगा २ सप्टेंबरला संध्याकाळी साडेसहाच्या सुमारास येरवड्यातील उत्तम टाउनशिपमागून पायी जात होता. त्यावेळी दुचाकीवर आलेल्या दोघा चोरट्यांनी त्याला अडविले. त्याच्याकडील ५० हजारांची सोन्याची चैन, २० हजारांचा मोबाइल असा ऐवज धमकावून काढून घेतला. मुलाने आरडाओरड करेपर्यंत चोरटे सुसाट पसार झाले. याप्रकरणी पोलीस अमलदार महेंद्र शिंदे तपास करीत आहेत.
