५ कोटी ६ लाख रुपये वेतनाचा अपहार
marathinews24.com
पुणे – सिंहगड एज्युकेशन सोसासयटीतील २७ शिक्षकांच्या वेतनाचा अपहार केल्या प्रकरणी संस्थापक मारुती नवले यांच्यासह सात जणांविरुद्ध गुन्हा दाखल करण्यात आला. याबाबत एका शिक्षिकेने भारती विद्यापीठ पोलीस ठाण्यात फिर्याद दिली आहे. अपहार करणे, तसेच फसवणूक केल्या प्रकरणी सिंहगड एज्युकेशन संस्थेचे मारुती नवले, सचिव सुनंदा मारुती नवले, उपाध्यक्ष रचन नवले- अष्टेकर, उपाध्यक्ष रोहित मारुती नवले, लेखा विभागाचे संजय मोरे, शरद जराड यांच्यासह सात जणांविरुद्ध गुन्हा दाखल करण्यात आला आहे. याबाबत शिक्षिकेने फिर्याद दिली आहे.
अडीच कोटींचे सोने घेऊन कारागिर पसार – सविस्तर बातमी
पोलिसांनी दिलेल्या माहितीनुसार, तक्रारदार शिक्षिका या सिंहगड स्प्रिंगडेल स्कूलमध्ये शिक्षिका आहेत. एप्रिल २०२० पासून सिंहगड संस्थेने त्यांचे वेतन अदा केले नव्हते. गेल्या साडेपाच वर्षात तक्रारदार शिक्षिकेचे १९ लाख ३६ हजार रुपयांचे वेतन थकीत होते. तक्रारदार शिक्षिकेसह २७ जणांचे वेतन थकीत होते. वेतन मिळवण्यासाठी त्यांनी पाठपुराव केला. मात्र, त्यांना वेतन दिले नाही. फसवणूक, तसेच अपहार केल्या प्रकरणी शिक्षकांनी भारती विद्यापीठ पोलीस ठाण्यात तक्रार अर्ज दिला. त्यानंतर या प्रकरणात मारुती नवले यांच्या विरुद्ध गुन्हा दाखल करण्यात आला आहे. वरिष्ठ पोलीस निरीक्षक मानसिंग पाटील तपास करत आहेत.
