कोथरूड पोलिसांनी केला गुन्हा दाखल
marathinews24.com
पुणे – बनावट वाहन क्रमांकाची पाटी वापरणाऱ्या दुचाकीस्वाराविरुद्ध कोथरूड पोलिसांनी गुन्हा दाखल केला. याप्रकणी तहा मन्सूर अली (वय १९, रा. कुबेरा पार्क, कोंढवा) याच्याविरुद्ध गुन्हा दाखल करण्यात आला आहे. याबाबत पोलीस हवालदार महेंद्र राऊत यांनी कोथरूड पोलीस ठाण्यात फिर्याद दिली आहे.
मोटार चालकाकडून प्रवासी महिलेचा विनयभंग – सविस्तर बातमी
पोलिसांनी दिलेल्या माहितीनुसार, हवालदार राऊत हे कोथरूड वाहतूक विभागात नियुक्तीस आहेते. आरोपी दुचाकीस्वार तरुण ३० जानेवारी रोजी सायंकाळी सातच्या सुमारास पौड फाटा चौकातून निघाला होता. पोलीस हवालदार राऊत यांना वाहनाच्या पाटीवर असलेल्या क्रमांकाबाबत संशय आल्याने त्यांनी दुचाकीस्वार तरुणाला अडवले. त्याची चैाकशी करुन दुचाकीच्या कागदपत्रांबाबत मागणी केली. तेव्हा आरोपी तरुणाने उडवाउडवीची उत्तरे दिली. चौकशीत तरुणाने बनावट क्रमांकाचा वापर केल्याचे उघडकीस आले. बनावट क्रमांकाचा वापर करुन शासनाची फसवणूक केल्याप्रकरणी तरुणाविरुद्ध गुन्हा दाखल करण्याात आला. सहायक फौजदार कोंडे तपास करत आहेत.
