गणेशोत्सव निर्विघ्न पार पाडण्यात अग्निशमन दलाचा मोलाचा वाटा
marathinews24.com
पुणे – गणेशोत्सवामध्ये दरवर्षी प्रमाणे इतर यंञणेसमवेत अग्निशमन दल १० दिवस कार्यरत होता. विसर्जनावेळी नदीपात्रात व घाटांवर कोणताही अनुचित प्रकार घडू नये याबाबत सतर्क राहून आपले कर्तव्य बजावले. अग्निशमन दलाकडून पहिल्या दिवसापासून विसर्जन संपेपर्यंत दलाकडून एकुण १२ विसर्जन घाटांवर पालिकेतर्फे नेमण्यात आले होते. १२० जीवरक्षक तसेच अग्निशमन दलाचे ३० अग्निशमन अधिकारी व ३० जवान बंदोबस्तावर तैनात होते.
गणेशोत्सवात निर्माल्य टू निसर्ग उपक्रम, ११४ टन निर्मल्याचे संकलन – सविस्तर बातमी
विसर्जनाच्या दोन दिवस मिरवणुक मार्गानजीक अलका चौक, अभिनव चौक व फरासखाना चौक येथे अग्निशमन वाहने दाखल करण्यात आली होती. दिड दिवस, पाच दिवस, सात दिवस व दहाव्या दिवशी विसर्जनावेळी कोठे ही कोणी बुडाल्याची घटना तर अलका चौकात एक किरकोळ आगीची घटना वगळता आगीच्या घटनेची नोंद नाही. या १० दिवसाच्या कालावधीत अग्निशमन दलाच्या सर्व अधिकारी व जवान यांच्या सर्व प्रकारच्या रजा व सुट्ट्या बंद ठेवण्यात आल्या होत्या.
अग्निशमन दलाकडून विविध घाटांवर अधिकारी व जवान यांनी उत्तम कार्य केल्याने गणेशोत्सव निर्विघ्नपणे पार पडला. अग्निशमन दल नेहमीच सतर्क राहात कर्तव्य बजावत असते. – देवेंद्र प्रभाकर पोटफोडे (मुख्य अग्निशमन अधिकारी अग्निशमन दल, पुणे)
