प्रजासत्ताक दिनाच्या पार्श्वभूमीवर राज्याच्या विकासावर चर्चा
marathinews24.com
मुंबई – महाराष्ट्र राज्याचे मा. राज्यपाल श्री. आचार्य देवव्रत यांच्या वतीने लोकभवन, मुंबई येथे आयोजित करण्यात आलेल्या “स्वागत समारंभा”साठी विधान परिषद उपसभापती डॉ. नीलम गोऱ्हे यांना सस्नेह आमंत्रण देण्यात आले होते. याप्रसंगी राज्यपालांच्या पत्नी सौ. दर्शना देवी यांचीही उपस्थिती होती. या निमित्ताने विधान परिषद उपसभापती डॉ. नीलम गोऱ्हे यांनी मा. राज्यपाल श्री. आचार्य देवव्रत यांची सदिच्छा भेट घेतली.
पोलीस दलातील गावडे, शिळीमकर, सावंत, कोरे, धनगर, लांडे यांचा सन्मान – सविस्तर बातमी
या भेटीदरम्यान डॉ. गोऱ्हे यांनी “महाराष्ट्र विधानपरिषद शतक महोत्सव” या विशेष पुस्तकाची भेट राज्यपालांना दिली. या पुस्तकामध्ये महाराष्ट्र विधानपरिषदेच्या शताब्दी वर्षानिमित्त विधानपरिषदेने संमत केलेली महत्त्वपूर्ण विधेयके, ठराव तसेच राज्याच्या विकासाला दिशा देणारी धोरणे यांचा समावेश आहे. महाराष्ट्राच्या लोकशाही परंपरेचा आणि विधानपरिषदेच्या योगदानाचा ऐतिहासिक आढावा या पुस्तकातून मांडण्यात आला आहे.
या सदिच्छा भेटीत राज्याच्या घटनात्मक परंपरा, लोकशाही मूल्ये आणि विधानपरिषदेच्या कार्याविषयी सकारात्मक चर्चा करण्यात आली. स्वागत समारंभाच्या निमित्ताने झालेली ही भेट अत्यंत सौहार्दपूर्ण वातावरणात पार पडली.
यानंतर विधानपरिषद उपसभापती डॉ. नीलम गोऱ्हे यांनी महाराष्ट्राचे मुख्यमंत्री देवेंद्र फडणवीस आणि त्यांच्या पत्नी अमृता फडणवीस यांचीही सदिच्छा भेट घेतली. यावेळी प्रजासत्ताक दिनाच्या पार्श्वभूमीवर राज्याच्या विकासात्मक वाटचालीसंदर्भात अनौपचारिक संवाद झाला.
