महापालिका आणि पोलिसांची कारवाई
marathinews24.com
पुणे – बेकायदा बांधलेल्या घरातील गावठी दारू अड्ड्यावर आंबेगाव पोलिसांनी कारवाई केली. महापालिकेच्या मदतीने बेकायदा दारू अड्ड्यावर जेसीबी चालविण्यात आला. बेकायदा बांधलेले घर आणि पत्र्याचे शेड पाडून टाकण्यात आले. कात्रज भागातील साईनगर परिसरात कारवाई करण्यात आली.
कोथरूड मधील बंगल्यात चंदन चोरी – सविस्तर बातमी
कात्रज भागातील सच्चाई माता मंदिर परिसरापासून काही अंतरावर साईनगर आहे. या भागातील काही महिला बेकायदा दारू अड्डा चालवित असल्याची माहिती पोलिसांना मिळाली होती. बेकायदा तेथे घर आणि पत्र्याचे शेड बांधण्यात आले होते. यापूर्वी पोलिसांनी तेथे कारवाई केली होती. हे बांधकाम बेकायदा होते. याबाबतची माहिती महापालिकेला कळविण्यात आली.
त्यानंतर महापालिकेच्या कर्मचाऱ्यांनी बेकायदा घर, तसेच शेड जेसीबीचा वापर करुन पाडले. पोलिसांनी तेथून दारुचे प्लास्टिक कॅन जप्त केले, अशी माहिती आंबेगाव पोलीस ठाण्याचे वरिष्ठ पोलीस निरीक्षक शरद झिने यांनी दिली.
