नगर रस्त्यावरील लोणीकंद भागातील घटना
marathinews24.com
पुणे – भरधाव टेम्पोच्या धडकेत पादचाऱ्याचा मृत्यू झाल्याची घटना नगर रस्त्यावरील लोणीकंद भागात घडली. याप्रकरणी टेम्पो चालकाविरुद्ध पोलिसांनी गुन्हा दाखल केला. अपघातात मृत्युमुखी पडलेल्या पादचाऱ्याची ओळख पटलेली नाही. मृत्यूमुखी पडलेल्या पादचाऱ्याचे वय अंदाजे ५० वर्ष आहे. याबाबत पोलीस हवालदार विनोद भोसले यांनी लोणीकंद पोलीस ठाण्यात फिर्याद दिली आहे.
कोंढवा, चंदननगर भागात घरफोडी – सविस्तर बातमी
पोलिसांनी दिलेल्या माहितीनुसार, भरधाव टेम्पो गुरुवारी (२ ऑक्टोबर) दुपारी दीडच्या सुमारास नगर रस्त्याने निघाला होता. लोणीकंद पोलीस ठाण्यासमोर भरधाव टेम्पोने पादचाऱ्याला धडक दिली. अपघातात गंभीर जखमी झालेल्या पादचाऱ्याचा उपचारादरम्यान मृत्यू झाला. याप्रकरणी टेम्पो चालक आनंदा विनोद पवार (वय २१, रा. लोणीकंद, नगर रस्ता) याच्याविरुद्ध गुन्हा दाखल करण्यात आला आहे. सहायक पोलीस निरीक्षक वंजारी तपास करत आहेत.
