बुधवार पेठेतील कारवाईबद्दल केले कौतुक
marathinews24.com
पुणे – शहरातील मध्यवर्ती बुधवार पेठ परिसरात पुणे पोलिसांनी मंगळवारी रात्री १० तासांचे कोम्बिंग ऑपरेशन राबवले. यावेळी दोन बांग्लादेशी महिलांना अटक करीत चार अल्पवयीन मुलींची सुटका केली होती. तर एका व्यक्तीकडून अमली पदार्थ जप्त करण्यात आले. या कारवाईमुळे बुधवार पेठ परिसरातील व्यापारी वर्गात आनंदाचे वातावरण आहे.
गैरकृत्य रोखण्यासाठी पोलिसांकडून वारंवार कारवाई होणे गरजेचे असल्याचे मत व्यापारी महामंडळाने व्यक्त केले. इतिहासात पहिल्यांदाच पोलिसांनी बुधवार पेठेत धडक कारवाई केल्याने व्यापारी महामंडळाकडून परिमंडळ एकचे पोलिस उपायुक्त कृषिकेश रावले आणि गुन्हे शाखेचे पोलिस उपायुक्त निखिल पिंगळे यांचा सत्कार केला. यावेळी व्यापारी महामंडळाचे अध्यक्ष सुरेश जैन, संजय परमार, प्रदीप ओसवाल, आकाश पवार यांच्यासह अन्य व्यापाऱ्यांची उपस्थिती होती.
