वानवडी पोलीस ठाण्यात गुन्हा दाखल
marathinews24.com
पुणे – शहरातील रामटेकडी इंडस्ट्रीयल भागातील कंपनीत खिडकीचे गज तोडून चोरट्यांनी २ लाख १९ हजारांच्या तांब्याच्या वायरचे बंडल चोरून नेले. ही घटना २६ ऑगस्टला रात्री एक ते तीन वाजेदरम्यान, हरको ट्रान्सफार्मस लि. कंपनीत घडली आहे. याप्रकरणी कंपनीतील व्यवस्थापकाने वानवडी पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल केला आहे.
पुण्यात कार चालकाला अडवून नाक मोडले – सविस्तर बातमी
पोलिसांनी दिलेल्या माहितीनुसार, तक्रारदार तरूण हा रामटेकडीतील हरको ट्रान्सफार्मस लि. कंपनीत व्यवस्थापक आहे. २६ ऑगस्टला रात्री एक ते तीन वाजेदरम्यान चोरट्यांनी कंपनीत प्रवेश केला. खिडकीचे गज वाकवून २ लाख १९ हजारांच्या तांब्याच्या वायरिंगचे बंडल चोरून नेले. दुसर्या दिवशी सकाळी व्यवस्थापकाला कंपनीत चोरी झाल्याचे दिसून आले. त्यानंतर त्यांनी वानवडी पोलीस ठाण्यात धाव घेत तक्रार दाखल केली. याप्रकरणी पोलीस अमलदार दया शेगर तपास करीत आहेत.
