वानवडी पोलिसांची कामगिरी, हत्यारही केले जप्त
marathinews24.com
पुणे – गुन्हा करण्याच्या तयारीत असलेल्या सराईताला वानवडी पोलिसांनी अटक केली आहे. त्याच्याकडून धारदार शस्त्र जप्त करण्यात आले आहे. महेश विकास शिंदे ( वय १९ रा. रामटेकडी, हडपसर, पुणे) असे अटक केलेल्याचे नाव आहे. त्याच्याविरूद्ध यापुर्वी खुन, मारामारी, दंगल, आर्म अॅक्टचे गुन्हे वानवडी पोलीस ठाण्यात दाखल आहेत.
पुण्यात सेवानिवृत्त पोलीस अधिकाऱ्याकडून सुनेवर अत्याचाराचा प्रयत्न – सविस्तर बातमी
वानवडी पोलिसांचे तपास पथक ११ सप्टेंबरला हद्दीत पेट्रोलिंग करीत होते. सहायक पोलीस निरिक्षक उमाकांत महाडिक हे पथकासह पेट्रोलिंग करीत असताना पोलीस अंमलदार यतीन भोसले यांना सराईताची माहिती मिळाली. ‘रेकॉर्डवरील गुन्हेगार महेश शिंदे हा धारदार शस्त्रासह गुन्हा करण्यासाठी रामटेकडी इंडस्ट्रीयल परिसरात थांबल्याची माहिती मिळाली. त्यानुसार पथकाने सापळा रचून त्याला ताब्यात घेतले. त्याच्याकडून धारदार शस्त्र जप्त केल. त्याच्याविरुध्द वानवडी पोलीस ठाणे येथे गु.र.नं. ३६४ / २०२५ भारतीय हत्यार कायदा क. ४ (२५) व महाराष्ट्र पोलीस कायदा कलम ३७(१)(३) सह १३५ प्रमाणे गुन्हा दाखल केला आहे.
ही कामगिरी पोलीस उपायुक्त डॉ. राजकुमार शिंदे, सहायक पोलीस आयुक्त धन्यकुमार गोडसे यांच्या मार्गदर्शनाखाली वानवडी पोलीस ठाण्याचे वरिष्ठ पोलीस निरीक्षक सत्यजित आदमाने, पोलीस निरीक्षक (गुन्हे) विजयकुमार डोके, सहायक पोलीस निरीक्षक उमाकांत महाडिक, पोलीस अंमलदार दया शेगर, महेश गाढवे, अतुल गायकवाड, अमोल पिलाणे, यतीन भोसले, विष्णु सुतार, बालाजी वाघमारे, विठ्ठल चोरमले, अर्शद सय्यद, गोपाळ मदने, अमोल गायकवाड, अभिजित चव्हाण, आशिष कांबळे यांनी केली.
