निवृत्त सहायक पोलीस आयुक्ताविरुद्ध गुन्हा
marathinews24.com
पुणे – शिक्षणाचे माहेरघर असलेल्या शहरात धक्कादायक घटना घडली असून, स्वतः चा मुलगा लैगिंकदृष्ट्या सक्षम नसल्याने सेवानिवृत्त पोलीस अधिकाऱ्यानेच सूनेवर अत्याचाराचा प्रयत्न केला आहे. याप्रकरणी निवृत्त सहायक पोलीस आयुक्ताविरुद्ध सहकारनगर पाेलिसांनी गुन्हा दाखल केला आहे. त्यानुसार सहायक पोलीस आयुक्तासह त्यांची पत्नी आणि मुलाविरुद्ध गुन्हा दाखल झाला आहे. महिलेने सहकारनगर पोलीस ठाण्यात फिर्याद दिली आहे.
जेष्ठ महिलेच्या हातातील सोन्याची बांगडी चोरली – सविस्तर बातमी
पोलिसांनी दिलेल्या माहितीनुसार, सहायक पोलीस आयुक्ताच्या मुलाचे एमबीएपर्यंत शिक्षण झाले आहे. पीडित महिलेचा आरोपीच्या मुलाशी विवाह झाला होता. त्यावेळी मुलगा लैंगिकदृष्ट्या सक्षम नसल्याची बाब महिलेपासून लपवून ठेवण्यात आली होती. विवाहानंतर त्यांना मुलं होत नव्हते. मुलं होण्यासाठी सासऱ्याशी संबंध ठेवावेत, असा दबाब सासू आणि पतीने टाकला होता, असा आरोप महिलेने फिर्यादीत केला.
तिचा शारिरिक आणि मानसिक छळ केला. २३ जूनला महिला एकटी घरात असताना सासऱ्याने बळजबरी करण्याचा प्रयत्न केला. तिने विराेध केल्यानंतर सासऱ्याने पद आणि ओळखीची भीती दाखविली. तसेच जिवे मारण्याची धमकी दिली. याप्रकारानंतर घाबरलेली महिला माहेरी निघून आली. तिने याबाबत नुकतीच पोलिसांकडे तक्रार दिली. सूनेने पोलिसांकडे तक्रार दिल्याची माहिती मिळाल्यानंतर निवृत्त सहायक पोलीस आयुक्त, त्यांची पत्नी आणि मुलगा घर बंद करुन पसार झाले. वरिष्ठ पोलीस निरीक्षक विठ्ठल पवार यांच्या मार्गदर्शनाखाली उपनिरीक्षक काळे तपास करत आहेत.
