स्वारगेट परिसरातील घटना
marathinews24.com
पुणे – गर्दीचा फायदा घेउन चोरट्यांनी जेष्ठ महिलेच्या हातातील ३० हजारांची सोन्याची बांगडी चोरून नेली आहे. ही घटना ९ सप्टेंबरला दुपारी दीड वाजण्याच्या सुमारास स्वारगेट कॉर्नर परिसरात घडली आहे. याप्रकरणी सिंहगड रस्ता परिसरात राहणार्या महिलेने स्वारगेट पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
वाहन चालकाला लुटणारा गजाआड, २ मोबाईल जप्त – सविस्तर बातमी
पोलिसांनी दिलेल्या माहितीनुसार, तक्रारदार ६६ वर्षीय महिला सिंहगड रस्ता परिसरात राहायला असून, ९ सप्टेंबरला कामानिमित्त स्वारगेट कॉर्नर परिसरात आल्या होत्या. त्यावेळी परिसरात झालेल्या गर्दीचा फायदा घेउन चोरट्यांनी महिलेला हेरले. त्यानंतर त्यांच्याजवळ जाउन हातातील ३० हजारांची सोन्याची बांगडी चोरून नेली आहे. याप्रकरणी पोलीस उपनिरीक्षक सुजाता जाधव तपास करीत आहेत.
