कोंढवा पोलीस ठाण्यात चोरट्यांविरुद्ध गुन्हा
marathinews24.com
पुणे – दूरसंचार विभागाकडून (बीएसएनएल) टाकण्यात येणाऱ्या केबलची चोरी करण्यात आल्याची घटना कोंढवा भागात घडली. याप्रकरणी चोरट्यांविरुद्ध कोंढवा पोलीस ठाण्यात गुन्हा दाखल करण्यात आला आहे. बीएसएनलच्या कनिष्ठ अभियंत्याने कोंढवा पोलीस ठाण्यात फिर्याद दिली आहे. त्यांनी दिलेल्या फिर्यादीनुसार चोरट्यांविरुद्ध गु्न्हा दाखल करण्यात आला आहे.
पीएमपीएल बसप्रवासात महिलेची सोन्याची बांगडी चोरीला – सविस्तर बातमी
पोलिसांनी दिलेल्या माहितीनुसार, कोंढव्यातील कुबेरा पार्क बीएसएनएलकडून भूमिगत केबल टाकण्याचे काम सुरू आहे. या भागात केबल, तसेच अन्य साहित्य (सीटी बाॅक्स) ठेवण्यात आले होते. चोरट्यांनी केबल आणि साहित्य असा २४ हजार रुपयांचा मुद्देमाल चोरून नेल्याची घटना नुकतीच घडली. केबल, तसेच अन्य साहित्य चोरीला गेल्याचे उघडकीस आल्यानंतर पोलिसांकडे तक्रार देण्यात आली. सहायक पोलीस निरीक्षक सचिन थोरात तपास करत आहेत.
