चोरट्यांविरुद्ध गु्न्हा दाखल
marathinews24.com
पुणे – शहरातील कात्रजमधील आंबेगाव परिसरात सदनिकेचे कुलूप तोडून चोरट्यांनी ९५ हजार रुपयांचे दागिने चोरुन नेल्याचा प्रकार उघडकीस आला. याबाबत योगेश सुरेश भोसले (वय ४०, रा. सरोज रेसीडन्सी, जांभुळवाडी रस्ता, आंबेगाव) यांनी आंबेगाव पोलीस ठाण्यात फिर्याद दिली आहे. या प्रकरणी चोरट्यांविरुद्ध गु्न्हा दाखल करण्यात आला आहे. ६ जून रोजी भोसले कुटुंबीय बाहेरगावी गेले होते. चोरट्यांनी मध्यरात्री सदनिकेचे कुलूप तोडून ऐवज लांबविला. पोलीस नाईक जमदाडे तपास करत आहेत.
भटके विमुक्त समाजाबाबत आक्षेपार्ह वक्तव्य; कारवाईची मागणी – सविस्तर बातमी
मोटारीची काच फोडून ६ लाखांची रोकड लंपास
मोटारीची काच फोडून चोरट्यांनी सहा लाक रुपयांची रोकड चोरुन नेल्याची घटना पुणे-अहिल्यानगर रस्त्यावरील वाघोली परिसरात घडली. या प्रकरणी चोरट्यांविरुद्ध गुन्हा दाखल करण्यात आला. याबाबत बशीर सुलेमान शेख (वय ३८, रा. केसनंद, पुणे-अहिल्यानगर रस्ता) यांनी वाघोली पोलीस ठाण्यात फिर्याद दिली आहे. पोलिसांनी दिलेल्या माहितीनुसार, शेख यांनी १८ जून रोजी वाघोलीतील गगन अधिरा सोसायटीसमाेर दुपारी दीडच्या सुमारास मोटार लावली होती. चोरट्यांनी मोटारीची काच फोडून सहा लाखांची रोकड चोरुन नेली. पोलीस उपनिरीक्षक इंगळे तपास करत आहेत.
