ऊरळी कांचन परिसरात घडला अपघात
marathinews24.com
पुणे – विद्यार्थी वाहतूक करणाऱ्या बसचा अपघात झाल्याची घटना बुधवारी (दि. ८) दुपारी पुणे-सोलापूर महामार्गावरील ऊरळी कांचन परिसरात घडली. बसच्या पाठीमागून येणाऱ्या ट्रक आदळला. सळई वाहतूक करणााऱ्या ट्रकमधील सळई बसची काच फोडून आत शिरली. या अपघातात ८ विद्यार्थी जखमी झाले. सुदैवाने अपघातात विद्यार्थांना गंभीर स्वरुपाची दुखापत झाली नाही, अशी माहिती पोलिसांनी दिली.
दिवाळीमुळे भिडे पुलावरील वाहतूक पूर्ववत – सविस्तर बातमी
पुणे-सोलापूर महामार्गावरुन बस बुधवारी दुपारी ऊरळी कांचनकडे निघाली होती. बसमध्ये २० ते २५ विद्यार्थी होते. त्यावेळी अचानक एक दुचाकीस्वार आडवा आल्याने बस चालकाने प्रसंगावधान राखून ब्रेक दाबला. त्यावेळी पाठीमागून सळई वाहतूक करणारा ट्रक होता. ट्रकने बसला पाठीमागून धडक दिली. ट्रकवर ठेवलेल्या सळई काच फोडून आत शिरली. या घटनेत सहा विद्यार्थी जखमी झाले. बस चालकने आणि नागरिकांनी बसमधील विद्यार्थ्यांना बाहेर काढले. काचेचे तुकडे उडाल्याने मुलांना किरकोळ दुखापत झाली आहे. काही मुलांंवर ऊरळी कांचन येथील रुग्णालयात उपचार करून सोडून देण्यात आले, अशी माहिती उरळी कांचन पोलीस ठाण्याचे पाेलीस निरीक्षक शंकर पाटील यांनी दिली. तसेच बसला आडवा आलेला ७० वर्षीय दुचाकीस्वार जखमी झाले आहेत. त्यांच्यावर लोणी काळभोर येथील रुग्णालयात उपचार सुरू आहेत.
