१० लाख रुपयांची लाच घेताना पकडले
marathinews24.com
जालना – महानगरपालिकेचे पहिले आयुक्त म्हणून कारभार पाहात असलेले संतोष खांडेकर हे १० लाख रुपयांची लाच घेताना लाचलुचपत प्रतिबंधक विभागाच्या सापळ्यात अडकले आहेत. मनपा आयुक्तांच्या शासकीय निवासस्थानी गुरुवारी सायंकाळी कारवाई करण्यात आल्याची माहिती आहे. याप्रकरणी छत्रपती संभाजीनगर लाचलुचपत प्रतिबंधक विभागाच्या अधीक्षक माधुरी केदार कांगणे यांना विचारले असता त्यांनी कार्यवाही सुरू असल्याची माहिती दिली.
कुख्यात घायवळचा साथीदार बनला गांजा तस्कर – सविस्तर बातमी
तक्रारदार बांधकाम कंत्राटदाराकडून केलेल्या कामाचे देयक काढण्यासाठी मनपा आयुक्त संतोष खांडेकर यांनी मोठी रक्कम लाच म्हणून मागितली. त्यातील १० लाख रुपयांवर तडजोड झाली. त्या संदर्भातील तक्रार नोंद झाल्यानंतर खांडेकर १० लाख घेताना लाचलुचपत प्रतिबंधक विभागाच्या पथकाने लावलेल्या सापळ्यात अडकले आहेत.
