शेअर मार्केटमध्ये मोठ्या नफ्याचे आमिष दाखवून व्यक्तीला १२ लाखांचा गंडा
marathinews24.com
पुणे – शेअर मार्केटमध्ये गुंतवणूक केल्यास चांगला नफा मिळेल, अशी बतावणी करीत तिघांनी मिळून एकाची तब्बल १२ लाखांची फसवणूक केली आहे. ही घटना जुलै २०२४ ते जुलै २०२६ कालावधीत कोंढव्यात घडली आहे. याप्रकरणी ४९ वर्षीय व्यक्तीने कोंढवा पोलीस ठाण्यात फिर्याद दाखल केली आहे. त्यानुसार तिघांविरूद्ध गुन्हा दाखल केला आहे.
नामवंत कंपनीच्या नावे बनावट मीठाची विक्री; व्यापाऱ्यावर गुन्हा दाखल – सविस्तर बातमी
पोलिसांनी दिलेल्या माहितीनुसार, तक्रारदार हे कोंढव्यात राहायला असून, आरोपीसोबत जुलै २०२४ मध्ये त्यांची ओळख झाली होती. शेअर मार्वेâटमध्ये गुंतवणूक केल्यास चांगला नफा मिळेल, अशी बतावणी सायबर चोरट्यांनी केली. त्यानंतर संबंधितांनी तक्रारदाराचा विश्वास संपादित करून त्यांच्याकडील सोन्याचे दागिने, पैशांची मागणी केली. तब्बल १२ लाखांची आर्थिंक फसवणूक केली आहे. याप्रकरणी पोलीस उपनिरीक्षक संजय चव्हाण तपास करीत आहेत.
रिक्षा प्रवासात महिलेचे ४ लाखांचे दागिने चोरीला
सहा आसनी रिक्षाप्रवासात महिला चोरट्यांनी धाराशिव जिल्ह्यातील ५१ वर्षीय महिलेच्या पर्समधील २० हजारांची रोकड, सोन्या-चांदीचे दागिने असा ३ लाख ६८ हजारांचा ऐवज चोरून नेला. ही घटना १२ जुलैला दुपारी पावणेतीनच्या सुमारास हडपसर गाडीतळ ते कदमवाक वस्ती लोणी काळभोर प्रवासादरम्यान घडली आहे. याप्रकरणी संबंधित महिलेने लोणी काळभोर पोलीस ठाण्यात फिर्याद दाखल केली आहे. त्यानुसार चार महिलांविरूद्ध गुन्हा दाखल केला आहे.
पोलिसांनी दिलेल्या माहितीनुसार, तक्रारदार महिला मूळची धाराशिव जिल्ह्यातील सोनेगावातील रहिवाशी असून, १२ जुलैला दुपारी दोनच्या सुमारास हडपसर गाडीतळ ते कदमवाकवस्ती लोणी काळभोर असा सहाआसनी रिक्षातून प्रवास करीत होती. त्यावेळी रिक्षात बसलेल्या चार महिला चोरट्यांनी संबंधित तक्रारदार महिलेला हेरले. त्यांच्याकडील पर्समधील २० हजारांची रोकड, सोन्या-चांदीचे दागिने असा ३ लाख ६८ हजारांचा ऐवज चोरून नेला. काही वेळानंतर महिलेला दागिन्यांची चोरी झाल्याचे लक्षात आले. याप्रकरणी पोलीस उपनिरीक्षक दिगंबर सोनटक्के तपास करीत आहेत.
