जास्त पैशाचे आमिष दाखवून सायबर चोरट्यांनी तब्बल १८ लाख ४ हजारांचा ऑनलाईन घातला गंडा
marathinews24.com
पुणे – शेअर ट्रेडींगमध्ये गुंतवणूक केल्यास जादा परताव्या देण्याचे आमिष दाखवून सायबर चोरट्यांनी एकाला तब्बल १८ लाख ४ हजारांचा ऑनलाईन गंडा घातला आहे. ही घटना २८ एप्रिल ते २२ मे कालावधीत आंबेगाव परिसरात घडली आहे. याप्रकरणी ३१ वर्षीय तरूणाने दिलेल्या फिर्यादीनुसार, मोबाइलधारक आरोपींविरूद्ध आंबेगाव पोलिसांनी गुन्हा दाखल केला आहे.
जुन्या भांडणातून लॉड्री व्यावसायिकाला मारहाण, चौघांना अटक – सविस्तर बातमी
पोलिसांनी दिलेल्या माहितीनुसार, तक्रारदार तरूण आंबेगाव परिसरात राहायला असून, २८ एप्रिलला सायबर चोरट्यांनी तक्रारदाराच्या वडिलांना संपर्क केला. शेअर ट्रेडींगमध्ये गुंतवणूक केल्यास चांगला परतावा मिळवून देतो, असे आमिष दाखविले. त्यानुसार सायबर चोरट्यांनी त्यांचा विश्वास संपादित करून तक्रादाराच्या वडिलांना रक्कम गुंतवणूकीला भाग पाडले. अवघ्या एका महिन्यात तब्बल १८ लाखांवर रक्कम ऑनलाईनरित्या वर्ग करूनही त्यांना परतावा मिळाला नाही. त्यामुळे त्यांनी संबंधिताला संपर्क केला असता, आरोपींनी संपर्काला प्रतिसाद दिला नाही. याप्रकरणी वरिष्ठ पोलीस निरीक्षक शरद झिने तपास करीत आहेत.
