सहकारनगर पोलीस ठाण्यात गुन्हा दाखल
marathinews24.com
पुणे – उसने घेतलेलेले पैसे परत न केल्याने टोळक्यने दहशत माजवून महिला, तसेच तिच्या पतीला जिवे मारण्याची धमकी दिल्याची घटना धनकवडीत घडली. या प्रकरणी सहकारनगर पोलिसांनी दोघांना अटक केली. आरोपींबरोबर असलेल्या अल्पवयीनांविरुद्ध गुन्हा दाखल करण्यात आला आहे. याबाबत महिलेने सहकारनगर पोलीस ठाण्यात फिर्याद दिली आहे. याप्रकरणी रोहन सचिन यादव (वय २२, रा. महालक्ष्मी अपार्टमेंट, धनकवडी) अंगद अशोक साठे (वय २०, रा. आंबेगाव पठार, धनकवडी) यांना अटक करण्यात आली. त्यांच्याबरोबर असलेल्या साथीदारांसह चार अल्पवीयनांविरुद्ध पोलिसांनी गुन्हा दाखल केला आहे.
कारागृहाबाहेर पडताच गांजा तस्करी – सराइताला अटक; २६ किलो गांजा जप्त – सविस्तर बातमी
पोलिसांनी दिलेल्या माहितीनुसार, तक्रारदार महिला धनकवडीतील शंकर महाराज वसाहतीत राहायला आहे. महिलेच्या पतीने उसने घेतलेल्या पैशांवरुन आरोपींशी वाद झाला होता. त्यानंतर सोमवारी पहाटे चारच्या सुमारास आरोपी यादव, साठे आणि साथीदार हे कोयते घेऊन शंकर महाराज वसाहतीत आले. आरोपींनी दहशत माजवून महिला,तसेच तिच्या पतीला शिवीगाळ केली. दहशत माजवून पसार झालेल्या दोघांना अटक करण्यात आली. त्यांच्याबरोबर असलेल्या साथीदारांचा शोध सुरू आहे. सहायक पोलीस निरीक्षक सागर पाटील तपास करत आहेत.
