गुन्हे शाखेच्या युनिट सहाने केला पर्दाफाश
marathinews24.com
पुणे – बनावट सोन्याचे दागिने गहाण ठेवून सराफ व्यावसायिकांची आर्थिक फसवणूक करणाऱ्या टोळीचा गुन्हे शाखेच्या युनिट सहाने पर्दाफाश केला आहे. तिघांना अटक करून त्यांच्याकडून ८ लाखांचा मुद्देमाल जत्त केला आहे. रोहित संजय गोरे (वय३० रा. ओम अपार्टमेंट, मोहन नगर, धनकवडी), अजय दत्तात्रय पवार ( वय २८, रा. गोगावले बिल्डिंग, म्हसोबा मंदिर जवळ, वडगाव बुद्रुक), ओम सुंदर खरात, वय २३, रा. गोगावले बिल्डिंग, म्हसोबा मंदिर जवळ, वडगाव बुद्रुक) अशी जेरबंद केलेल्यांची नावे आहेत.
मेफेड्रॉनची तस्करी करणार्या राजस्थानीला अटक, २५ ग्रॅम एमडी जप्त – सविस्तर बातमी
गुन्हे शाखेच्या युनिट सहाचे सहायक पोलिस निरीक्षक मदन कांबळे, पोलीस अंमलदार नितीन मुंढे, कानिफनाथ कारखेले, बाळासाहेब सकटे हे १८ ऑगस्टला हद्दीत पेट्रोलींग करीत होते. त्यावेळी पोलीस अंमलदार मुंढे यांना बनावट सोन्याचे दागिने गहाण ठेवून सराफ दुकानदारांची आर्थिक फसवणूक करणारे खांदवेनगर व वाघोली परिसरात फिरत असल्याची माहिती मिळाली. माहितीनुसार सापळा रचून पोलिसांनी गोरे, पवार व खरात तिघांना ताब्यात घेतले. त्यांच्याकडे चौकशी केल्यानंतर त्यांनी चंदननगर, कळेपडळ, पर्वती व आंबेगाव पोलिस ठाण्याच्या हद्दीत गुन्हे केल्याचे कबुल केले.
पोलिसांनी आरोपींकडुन रोख तीन लाख, एक लाख रुपये किंमतीचे मोबाईल, ४ लाख रुपये किंमतीचे हॉल मार्क असलेले बनावट सोन्याचे दागिने, असा एकुण ८ लाखाचा मुद्देमाल जप्त केला असुन, पुढील कारवाईसाठी आरोपींना चंदननगर पोलिसांच्या ताब्यात दिले. ही कारवाई अपर पोलिस आयुक्त पंकज देशमुख, उपायुक्त निखिल पिंगळे, एसीपी राजेंद्र मुळीक, पोलिस निरीक्षक वाहीद पठाण, एपीआय राकेश कदम, मदन कांबळे, सारंग दळे, बाळासाहेब सकटे, प्रशांत कापुरे, निलेश साळवे, गिरीष नाणेकर, कानिफनाथ कारखेले, नितीन मुंढे, निर्णय लांडे, सुहास तांबेकर, सचिन पवार, नेहा तापकीर, ऋषीकेश ताकवणे, नितिन धाडगे, ऋषीकेश व्यवहारे, शेखर काटे, बाळासाहेब तनपुरे, प्रतिक्षा पानसरे, कीर्ती मांदळे, सोनाली नरवडे यांनी केली.
