लोणी काळभोर पोलीस ठाण्यात गुन्हा दाखल
marathinews24.com
पुणे – पादचारी तरुणाला धमकावून चोरट्यांनी लुटल्याची घटना पुणे-सोलापूर रस्त्यावरील लोणी काळभोर भागात घडली. याबाबत तरुणाने लोणी काळभोर पोलीस ठाण्यात फिर्याद दिली आहे. त्याने दिलेल्या फिर्यादीनुसार दुचाकीस्वार चोरट्यांविरुद्ध गुन्हा दाखल करण्यात आला.
पुण्यात वरिष्ठ पोलीस निरीक्षक सर्जेराव कुंभार यांचे निधन – सविस्तर बातमी
पोलिसांंनी दिलेल्या माहितीनुसार, पादचारी तरुण ३० जानेवारी रोजी मध्यरात्री दीडच्या सुमारास पुणे-सोलापूर महामार्गावरुन निघाला होता. लोणी रेल्वे स्थानक परिसरात दुचाकीवरुन आलेल्या दोन चोरट्यांनी त्याला अडवले तरुणाला धमकावून दुचाकीवरुन घेऊन चोरटे तेथून गेले. काही अंतरावर तरुणाला धमकावून त्याच्याकडील अडीच हजार रुपये, ईअर बडस असा मुद्देमाल लुटून चोरटे पसार झाले. पोलीस उपनिरीक्षक योगेश पैठणे तपास करत आहेत.
