हदयविकाराच्या धक्क्याने निधन
marathinews24.com
पुणे – लोणीकंद पोलीस ठाण्याचे वरिष्ठ पोलीस निरीक्षक सर्जेराव कुंभार (वय ५०) यांचे मध्यरात्री हदयविकाराच्या धक्क्याने निधन झाले. त्यांच्यामागे पत्नी, एक मुलगा, एक मुलगी असा परिवार आहे. सर्जेराव कुंभार हे मुळचे कोल्हापूर जिल्ह्यातील हातकणंगले तालुक्यातील चावरे गावाचे रहिवासी होते. कुंभार हेविमानतळ पोलीस ठाण्यात गुन्हे निरीक्षक म्हणून नियुक्तीस होते. गेल्या वर्षी त्यांची लोणीकंद पोलीस ठाण्यात वरिष्ठ पोलीस निरीक्षक म्हणून नियुक्ती करण्यात आली.
मुख्य सचिवांनी घेतला नोंदणी महानिरीक्षक व मुद्रांक नियंत्रण कार्यालयाचा आढावा – सविस्तर बातमी
कोरेगाव भीमा येथील विजयस्तंभ लोणीकंद पोलीस ठाण्याच्या हद्दीत आहे. १ जानेवारी रोजी पार पडलेल्या अभिवादन सोहळ्याचा बंदोबस्त कुंभार यांच्या मार्गदर्शनाखाली पोलीस ठाण्यातील कर्मचाऱ्यांनी यशस्वीरित्या पार पाडला होता. शनिवारी (दि. ३१ जानेवारी) दिवसभर ते पोलीस ठाण्यात होते. रात्री साडेनऊच्या सुमारास ते कामकाज आटोपून वडगाव शेरीतील घरी गेले. मध्यरात्री दोनच्या सुमारास अस्वस्थ वाटून लागले. त्यानंतर त्यांना तातडीने खराडीतील खासगी रुग्णालयात दाखल करण्यात आले. रुग्णालयात दाखल असताना त्यांना हदयविकाराचा झटका आला. त्यामुळे त्यांचे निधन झाले असून, त्यांच्या पार्थिवावर कोल्हापुरातील मूळगावी अंत्यसंस्कार करण्यात येणार आहेत.
