पुण्यातील गणेश कला रंगमंच येथे जाहीर भव्य नागरी सत्कार
marathinews24.com
पुणे– आंदोलनात पोलीस हल्ल्याच्या प्रकरणी शहीद झालेला सच्चा आंबेडकरी कार्यकर्ता शहीद सोमनाथ सूर्यवंशी यांना न्याय मिळावा यासाठी रस्त्यावरून व नंतर थेट कोर्टात स्वतः लढाई लढणारे वंचित आघाडीचे नेते आदरणीय बाळासाहेब तथा प्रकाश आंबेडकर यांचा पुण्यातील गणेश कला रंगमंच येथे जाहीर भव्य नागरी सत्कार राजभरातील हजारो वडार समाज व बहुजन समाजाच्यावतीने होणार असल्याचे वडार समाज संघाचे अध्यक्ष व वंचितचे नेते अनिल जाधव यांनी सांगितले आहे.
रस्त्यावरून ते थेट सर्वोच्च न्यायालयापर्यंत वडार समाजाचे शहीद सोमनाथ सूर्यवंशी यांच्या न्याय- हक्कासाठी सातत्याने लढा देऊन न्याय मिळवून दिल्याबद्दल महाराष्ट्रातील समस्त वडार समाजाच्या वतीने आदरणीय ॲड. बाळासाहेब आंबेडकर यांचा जाहीर नागरी सत्कार समारंभ आयोजित करून वडार समाज भावना व्यक्त करणार आहे. कार्यक्रमाचे आयोजक वडार समाजाचे नेते अनिल जाधव असणार आहेत. हा समारंभ सोमवार दिनांक २५ ऑगस्टला पुण्यातील गणेश कला क्रीडा मंच येथे दुपारी तीन वाजता आयोजित करण्यात येत आहे. ऐतिहासिक समारंभास सर्व नागरिकांनी मोठ्या संख्येने उपस्थित राहण्याचे आवाहन संयोजकांच्यावतीने करण्यात येत आहे .
