ठेकेदाराविरुद्ध गुन्हा दाखल
marathinews24.com
पुणे – नियोजित गृहप्रकल्पातून तोल जाऊन पडल्याने बांधकाम मजूर तरुणाचा मृत्यू झाल्याची घटना वाघोली परिसरात घडली.
प्रेमचंद लजार मरांडी (वय १८, मूळ रा. पश्चिम बंगाल) असे मृत्युमुखी पडलेल्या बांधकाम मजुराचे नाव आहे. याबाबत प्रेमचंद याचा भाऊ हरीदास (वय २२) याने वाघोली पोलीस ठाण्यात फिर्याद दिली आहे. त्याने दिलेल्या फिर्यादीनुसार, बांधकाम ठेकेदाराविरुद्ध गुन्हा दाखल करण्यात आला आहे.
पुण्यात कुख्यात गुंड टोळीचा व्यावसायिकावर कोयत्याने खुनी हल्ला – सविस्तर बातमी
पोलिसांनी दिलेल्या माहितीनुसार, वाघोली परिसरात शांतीवन होम्स परिसात नियोजित गृहप्रकल्पाचे काम सुरू आहे. १३ जुलै रोजी दुपारी प्रेमचंद हा नियोजित गृहप्रकल्पात काम करत होता. त्या वेळी तोल जाऊन पडल्याने तो गंभीर जखमी झाला. त्याला तातडीने रुग्णालयात दाखल करण्यात आले. उपचारांपूर्वीच त्याचा मृत्यू झाल्याचे वैद्यकीय तज्ज्ञांनी सांगितले. गृहप्रकल्पात बांधकाम मजुराच्या सुरक्षेविषयी पुरेशी काळजी घेतली नव्हती. तेथे संरक्षक जाळी बसविण्यात आली नव्हती. दुर्घटनेस जबाबदार ठरल्या प्रकरणी ठेकेदाराविरुद्ध गुन्हा दाखल करण्यात आला आहे. पोलीस उपनिरीक्षक रेश्मा इंगळे तपास करत आहेत.
