रिलायन्स हेड ऑफिसमधून बोलत असल्याची बतावणी करीत सायबर चोरट्यांनी मारला डल्ला
marathinews24.com
पुणे – Cyber Crime : रिलायन्स हेड ऑफिसमधून बोलत असल्याची बतावणी करीत सायबर चोरट्यांनी महिलेला १० टक्के ब्रोकरेज वाचण्याची माहिती दिली. त्यानंतर त्यांचा विश्वास संपादित करून तब्बल ८ लाख ५७ हजार रूपये ऑनलाईनरित्या वर्ग करण्यास भाग पाडून फसवणूक केली आहे. ही घटना २९ जुलै ते २ ऑगस्ट कालावधीत बाणेरमध्ये घडली असून, याप्रकरणी बाणेरमध्ये राहणार्या महिलेने फिर्याद दाखल केली आहे.
बसमध्ये महिला चोरट्यांनी धक्का देउन लुटले – सविस्तर बातमी
पोलिसांनी दिलेल्या माहितीनुसार, तक्रारदार महिला बाणेरमध्ये राहायला असून, २९ जुलैला सायबर चोरट्यांनी त्यांना रिलायन्स हेड ऑफिसमधून बोलत असल्याची बतावणी केली. रिलायन्स निपुन लाईफ इन्शुरन्स पॉलिसीचे सेकंड प्रीमियम भरले तर १० टक्के ब्रोकरेज वाचतील असे सांगितले. त्यानंतर सायबर चोरट्यांनी महिलेचा विश्वास संपादित करून त्यांना रक्कम वर्ग करण्यास भाग पाडले. अवघ्या पाच दिवसांत सायबर चोरट्यांनी महिलेकडून ८ लाख ५७ हजार रूपये ऑनलाईनरित्या उकळले आहेत.
