पुढील सुनावणी ७ फेब्रुवारीला; सरपंच संतोष देशमुख हत्या प्रकरण
marathinews24.com
बीड – जिल्ह्यातील मस्साजोग गावचे सरपंच संतोष देशमुख यांच्या हत्या प्रकरणाने संपूर्ण राज्यात खळबळ उडाली होती. संबंधित प्रकरणाची सुनावणी शुक्रवारी ( दि. २३) विशेष जिल्हा सत्र मकोका न्यायालयात पार पडली. सुनावणी दरम्यान सर्व आरोपीना व्हिडिओ कॉलव्दारे न्यायालयात हजर केले होते. न्यायालयाने आदेश देऊन सुद्धा लॅपटॉप आणि डिजिटल पुरावे देण्यात आले नसल्याचे आरोप आरोपींच्या वकिलांनी केला.
डेटिंग अँपद्वारे तरुणांना लुटणाऱ्या टोळीला अटक – सविस्तर बातमी
सरकारी वकिलाकडून आरोपीना लॅपटॉप आणि इतर डिजिटल पुरावे देण्यासाठी १५ दिवसांची मुदत मागण्यात आली..या सुनावणी दरम्यान आरोपी विष्णू चाटे याच्याकडून कारागृह बदलण्यासाठी अर्ज केला होता. अर्जावर न्यायालयात युक्तिवाद झाला आहे. सुनावणीत दोन्ही पक्षांकडून युक्तिवाद करण्यात आला आहे. दिवंगत संतोष देशमुख हत्या प्रकरणाची पुढील सुनावणी आता ७ फेब्रुवारीला होणार असल्याने आरोपी विष्णू चाटे याच्या कारागृह बदलण्यासाठीच्या अर्जावर न्यायालय काय निर्णय घेणार याकडे संपूर्ण महाराष्ट्राचे लक्ष लागले आहे.
