लोहगाव पोलिस ठाण्यात गुन्हा दाखल
marathinews24.com
पुणे – लोहगाव येथील कलवड वस्ती परिसरात जमीन खरेदीच्या वादातून एका कुटुंबाला जिवे मारण्याची धमकी देऊन आणि फिर्यादीच्या १५ वर्षांच्या अल्पवयीन मुलाला खुनाचा थरारक व्हिडिओ दाखवून तब्बल साडेसहा लाख रुपयांची खंडणी उकळल्याचा प्रकार उघडकीस आला आहे. याप्रकरणी अमजद उर्फ पप्पू मगदूम (रा. नागपूर चाळ, पुणे) याच्यावर लोहगाव पोलिस ठाण्यात गुन्हा दाखल करण्यात आला आहे. याबाबत गुलाम नझलहक मुस्तफा खान (वय ४९, रा. सर्वे नं. २५९, लेन नं. ०२, कलवड वस्ती, लोहगाव, पुणे) यांनी फिर्याद दिली आहे.
सतत अपमानित केल्याने हडपसरमध्ये तरुणाची आत्महत्या – सविस्तर बातमी
पोलिसांनी दिलेल्या माहितीनुसार, सन २०२४ पासून आजतागायत ही ब्लॅकमेलिंग आणि खंडणीची मालिका सुरू होती. आरोपी अमजद याने फिर्यादी गुलाम मुस्तफाखान यांच्यावर जमीन घेण्यासाठी आणि इतर कारणांसाठी दबाव आणला होता. आरोपीने फिर्यादीच्या संपूर्ण कुटुंबाला मारण्याची धमकी दिली होती. तसेच फिर्यादीच्या अवघ्या १५ वर्षांच्या मुलाला मर्डरचा (खुनाचा) थरारक व्हिडिओ दाखवून जिवे मारण्याची धमकी दिली. भीतीखाली आरोपीने फिर्यादीकडून ऑनलाईन आणि रोख स्वरूपात तब्बल ६ लाख ५० हजार रुपयांची खंडणी उकळली आहे.
