सायबर चोरट्यांविरुद्ध गुन्हा दाखल
marathinews24.com
पुणे – शेअर बाजारात गुंतवणुकीच्या आमिषाने तरुणाची तीन लाख रुपयांची फसवणूक करण्यात आल्याचा प्रकार उघडकीस आला. याबाबत एका तरुणाने कोंढवा पोलीस ठाण्यात फिर्याद दिली आहे. त्याने दिलेल्या फिर्यादीनुसार, सायबर चोरट्यांविरुद्ध गुन्हा दाखल करण्यात आला आहे.
दुबईतून स्वस्तात सोने देण्याच्या आमिषाने महिलेची फसवणूक – सविस्तर बातमी
पोलिसांनी दिलेल्या माहितीनुसार, सायबर चोरट्यांनी तक्रारदाराच्या मोबाइल क्रमांकावर संपर्क साधला. शेअर बाजाात गुंतवणूक केल्यास चांगला परतावा मिळेल, असे आमिष चोरट्यांनी दाखविले. चोरट्यांच्या बँक खात्यात तरुणाने पैसे जमा केले. पैसे जमा केल्यानंतर त्याला परतावा दिला नाही. परताव्याबाबत विचारणा करण्यासाठी तरुणाच्या मोबाइल क्रमांकावर संपर्क साधला. तेव्हा मोबाइल क्रमांक बंद असल्याचे उघडकीस आले. वरिष्ठ पोलीस निरीक्षक संतोष खेतमाळस तपास करत आहेत.
