हडपसर पोलीस ठाण्यात गुन्हा दाखल
marathinews24.com
पुणे – दुबईहून स्वस्तात सोने आणून देण्याच्या आमिषाने महिलेची साडेसहा लाखांची फसवणूक करणाऱ्या एकाला हडपसर पोलिसांनी अटक केली. तेजस तानाजी मोहिते (वय २६, रा.साई मंदिराजवळ, शाहूनगर, पिंपरी-चिंचवड) असे अटक करण्यात आलेल्याचे नाव आहे. याबाबत एका महिलेने हडपसर पोलीस ठाण्यात फिर्याद दिली आहे.
बनावट सौंदर्य प्रसाधनाची विक्री – सविस्तर बातमी
पोलिसांनी दिलेल्या माहितीनुसार, तक्रारदार ३१ वर्षीय महिला हडपसर भागात राहायला आहे. आरोपीशी महिलेची जानेवारी महिन्यात ओळख झाली होती. आरोपी मोहितेने महिलेला दुबईहून स्वस्तात सोने आणून देण्याचे आमिष दाखविले होते. त्यानंतर त्याने महिलेकडून ६ लाख ५९ हजार रुपये घेतले. पैसे घेतल्यानंतर त्याने महिलेला सोने दिले नाही. महिलेने त्याच्याकडे पैेसे परत मागितले. तेव्हा त्याने टाळाटाळ सुरू केली. फसवणूक झाल्याचे लक्षात आल्यानंतर महिलेने पोलिसांकडे तक्रार दिली. मोहिते याला पोलिसांनी अटक केली. त्याने अशा पद्धतीने आणखी किती जणांची फसवणूक केली, यादृष्टीने तपास करण्यात येत आहे. गुन्हे शाखेचे पोलीस निरीक्षक नीलेश जगदाळे तपास करत आहेत.
