धानोरीतील लोटस ग्रेस सोसायटी कमलपार्क लेनक्रमांक ११ मध्ये घडली घटना
marathinews24.com
पुणे – घराच्या दरवाजाचे कुलूप तोडून चोरट्यांनी तब्बल १० लाख ८० हजारांचे सोन्याचे दागिने चोरून नेले. ही घटना ३१ जानेवारीला भरदुपारी बाराच्या सुमारास धानोरीतील लोटस ग्रेस सोसायटी कमलपार्क लेनक्रमांक ११ मध्ये घडली आहे. याप्रकरणी महिलेने विश्रांतवाडी पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
परिक्षा केंद्रात बोगस विद्यार्थ्याला अटक – सविस्तर बातमी
पोलिसांनी दिलेल्या माहितीनुसार, तक्रारदार महिला कुटूंबियासह धानोरीत राहायला असून, ३१ जानेवारीला सकाळच्या सुमारास महिला बाहेर गेली होती. त्यावेळी चोरट्यांनी त्यांच्या घराच्या दरवाजाचे कुलूप तोडून आतमध्ये प्रवेश केला. कपाटातील १० लाख ८० हजारांचे दागिने चोरून नेले. बाहेरून आल्यानंतर महिलेला घरात चोरी झाल्याचे दिसून आले. त्यांनी तातडीने पोलीस ठाण्यात धाव घेत तक्रार दाखल केली. याप्रकरणी पोलीस उपनिरीक्षक महेश भोसले तपास करीत आहेत.
