सहकारनगर पोलीस ठाण्यात गुन्हा दाखल
marathinews24.com
पुणे – धनकवडी परिसरात सदनिकेचे कुलूप तोडून चोरट्यांनी १ लाख रुपयांची रोकड लांबविल्याची घटना घडली. याबाबत संजय सदाशिव दिघे (वय ५५, रा. राजमुद्रा सोसायटी, ओंकार पार्क इमारत, धनकवडी ) यांनी सहकारनगर पोलीस ठाण्यात फिर्याद दिली आहे. याप्रकरणी चोरट्यांविरुद्ध गुन्हा दाखल करण्यात आला.
प्रतिस्पर्धी उमेदवाराला समर्थन दिल्याने महिलेसह चौघांना मारहाण – सविस्तर बातमी
पोलिसांनी दिलेल्या माहितीनुसार, तक्रारदार धनकवडीतील राजमुद्रा सोसायटीत राहायला आहेत. १२ जानेवारी रोजी मध्यरात्री चोरट्यांनी त्यांच्या सदनिकेचे कुलूप तोडले. चोरट्यांनी दिघे यांच्या सदनिकेत प्रवेश केला. शयनगृहातील कपाटावरील मोकळ्या जागेत दिघे यांनी एका पिशवीत एक लाखांची रोकड ठेवली होती. चोरट्यांनी कपाटावर ठेवलेली पिशवी चोरून नेली. सहायक पोलीस फौजदार बापू खुटवड तपास करत आहेत.
