खंडणी विरोधी पथक दोनची कामगिरी
marathinews24.com
पुणे – देशी बनावटीच्या पिस्टलासह काडतुसे आणि गांजा बाळगणार्याला खंडणी विरोधी पथक दोनने अटक केली आहे. त्याच्या अल्पवयीन साथीदाराला ताब्यात घेतले आहे. त्यांच्याकडून ४२ हजार ६०० रूपयांचा ऐवज जप्त करण्यात आला आहे. आर्यन राहुल सातपुते वय १९ असे अटक केलेल्याचे नाव आहे.
ज्येष्ठ महिलेच्या पिशवीतून दागिन्यांची चोरी – सविस्तर बातमी
खंडणी विरोधी पथक दोन हद्दीत पेट्रोलिंग करीत असताना पोलीस अंमलदार सुरेंद्र जगदाळे व प्रशांत शिंदे यांना नांदेड फाटा सिंहगड रोड परिसरात जमलेल्या एकाकडे गावठी पिस्टल असल्याची माहिती मिळाली. पथकाने घटनास्थळी धाव घेत आरोपी सातपुते याच्याकडून पिस्टलासह जिवंत काडतुसे, गांजा जप्त केला. ही कामगिरी पोलीस निरीक्षक वर्षा देशमुख, सुरेंद्र जगदाळे, अजिनाथ येडे, दिलीप गोरे, अनिल कुसाळकर, अमोल घावटे, सुजीत वाघमारे, आझाद पाटील, पवन भोसले, शेखर खराडे, प्रशांत शिंदे, चेतन आपटे, उदय राक्षे यांनी केली.
