वानवडी पोलीस ठाण्यात गुन्हा दाखल
marathinews24.com
पुणे – रिक्षातून प्रवास करणार्या ६५ वर्षीय महिलेच्या गळ्यातील ५० हजारांचे सोन्याचे मंगळसूत्र चोरट्यांनी चोरून नेले आहे. ही घटना ३१ जानेवारीला रात्री पावणेसातच्या सुमारास जांभुळकर चौक ते साळुंखे विहारलगत नर्सरीजवळ वानवडीत घडली आहे. याप्रकरणी एका महिलेसह तिघांविरूद्ध वानवडी पोलिसांनी तक्रार दाखल केली आहे.
बनावट क्रमांक वापरणाऱ्या दुचाकीस्वाराविरुद्ध गुन्हा – सविस्तर बातमी
पोलिसांनी दिलेल्या माहितीनुसार, तक्रारदार महिला हडपसरमध्ये राहायला असून, ३१ जानेवारीला रात्री पावणेसातच्या सुमारास रिक्षातून प्रवास करीत होती. त्यावेळी रिक्षात एका महिलेसह इतरही लोक प्रवास करीत होते. गर्दीचा फायदा घेउन चोरट्यांनी जेष्ठ महिलेच्या गळ्यातील ५० हजारांचे सोन्याचे मंगळसूत्र चोरून नेले. रिक्षातून खाली उतरल्यानंतर महिलेला चोरी झाल्याचे लक्षात आले. त्यानंतर त्यांनी वानवडी पोलीस ठाण्यात धाव घेतली. याप्रकरणी पोलीस अमलदार क्षीरसागर तपास करीत आहेत.
