अज्ञात चोरट्याविरूद्ध गुन्हा दाखल
marathinews24.com
पुणे – घराच्या टेरेसवर झोपलेल्या तरूणाच्या उशाखालील १ लाखांची रोकड, मोबाइल आणि चावी चोरून चोरट्यांनी दुचाकी चोरून नेली आहे. ही घटना १ डिसेंबरला रात्री अकराच्या सुमारास चंदननगरमधील पठारे वस्तीवर घडली आहे. याप्रकरणी तरूणाने चंदननगर पोलीस ठाण्यात फिर्याद दाखल केली आहे. त्यानुसार अज्ञात चोरट्याविरूद्ध गुन्हा दाखल केला आहे.
विद्यार्थी वाहतूक करणाऱ्या बसच्या धडकेत बालकाचा मृत्यू – सविस्तर बातमी
पोलिसांनी दिलेल्या माहितीनुसार, तक्रारदार तरूण चंदननगरमधील पठारे वस्तीवर राहायला असून, १ डिसेंबरला रात्री अकराच्या सुमारास ते घराच्या टेरेसवर झोपले होते. त्यावेळी त्यांनी १ लाखांची रोकड उशाखाली ठेवली होती. तसेच मोबाइल आणि दुचाकीची चावीही शेजारी ठेवली होती. मध्यरात्रीच्या सुमारास चोरट्यांनी त्यांच्याजवळ येउन उशाखालील १ लाखांची रोकड आणि मोबाइल, चावी असा ऐवज चोरून नेला आहे. याप्रकरणी पोलीस अमलदार कोळेकर तपास करीत आहेत.
