हडपसरमधील मगरपट्टा परिसरातून आरोपीला केली अटक
marathinews24.com
पुणे – देशी बनावटीचे पिस्तूल बाळगणाऱ्या सराइताला गुन्हे शाखेने हडपसरमधील मगरपट्टा परिसरातून अटक केली. सराइताकडून देशी बनावटीचे पिस्तूल जप्त करण्यात आले. चेतन बाळू जाधव (वय २५, रा. करंजेनगर, शिक्रापूर चाकण चौक) असे अटक करण्यात आलेल्याचे नाव आहे. जाधव याच्याकडे देशी बनावटीचे पिस्तूल असून, तो मगरपट्टा परिसरातील उड्डाण पुलाजवळ थांबल्याची माहिती गुन्हे शाखेच्या युनिट पाचमधील पोलीस कर्मचारी अमित कांबळे यांना मिळाली.
गुंतवणुकीच्या आमिषाने परिचारिकेची ५३ लाखांची फसवणूक – सविस्तर बातमी
जाधवला सापळा लावून पोलिसांनी पकडले. त्याच्याकडून देशी बनावटीचे पिस्तूल जप्त करण्यात आले. सहायक पोलीस आयुक्त राजेंद्र मुळीक यांच्या मार्गदर्शनाखाली पोलीस निरीक्षक छगन कापसे, उपनिरीक्षक अभिजित पवार, तानाजी देशमुख, राहल ढमढेरे, अमित कांबळे, परमेश्वर कदम, अमर चव्हाण, विनोद शिवले यांनी ही कामगिरी केली.
