दोन अत्याचारासह दिवसा घरफोडी गुन्ह्यांची उकल
marathinews24.com
पुणे – पुणे जिल्ह्यातील गाजलेल्या प्रकरणांचा उलगडा… – लैंगिक अत्याचारातील दोन गुन्हयातील अज्ञात आरोपींना चोवीस तासांचे आत पुणे ग्रामीण पोलिसांनी ताब्यात घेत अटक केली आहे. त्यापैकी लोणावळ्यात पायी चाललेल्या तरूणीवर अत्याचार करणार्या आरोपीला पुणे ग्रामीण पोलिसांनी बेड्या ठोकल्या आहेत. संबंधित तरूणीने मोटारीत सामूहिक अत्याचार केल्याची तक्रार दाखल केली होती. मात्र, तपासाअंती एका आरोपीने तिच्यावर अत्याचार केल्याचे उघडकीस आले आहे. तसेच आंतरजिल्हा दरोडेखोरांचे टोळीला अटक करून घरफोडी चोरीचे ९ गुन्हे उघडकीस आणण्यात आले आहेत.
पिडीत तरूणी २५ जुलैला रात्री साडेनउच्या सुमारास नारायणधाम रोडने तुंगार्ली रोडने पायी जात होती. त्यावेळी पांढर्या रंगाच्या वाहनातून आलेल्या तीन इसमांनी तिला गाडीत बसवून सामूहिक अत्याचार केल्याची तक्रार लोणावळा पोलीस ठाण्यात दाखल झाली होती. लोणावळा परिसरात १० दिवसांत दोन तरूणीवर अत्याराच्या घटनांमुळे पोलीस अधीक्षक संदीप सिंह गिल्ल यांनी लोणावळा आणि एलसीबी पथकाची बैठक घेतली. गुन्हा उघडकीस आणण्याचे आदेश दिले होते. तपासादरम्यान पिडीतेवर एकाच व्यक्तीने लैंगिक अत्याचार केला असून, सनील वसंत गायकवाड (वय ३५ रा. तुंगार्ली ता. लोणावळा) असे अटक केलेल्याचे नाव आहे. त्यानेच कारमध्ये बसवून नेले असल्याचे उघडकीस आले.
लोणावळ्याच्या हद्दीत पीडित महिला १५ जुलैला गावाकडून खडक घेवंडे गावाचे दिशेने जाणारे रोडने एकटीच पायी जात होती. दुपारी दोनच्या सुमारास पाठीमागून दुचाकीवर आलेल्या अनोळखाने तिला अडवून लैंगिक अत्याचार केला. याप्रकरणी पिडीतेने तक्रार नोंदविली होती. पथकाने परिसरात सीसीटीव्ही फुटेज तपासले परंतु दुर्गम भाग असल्याने सीसीटीव्हीचा अभाव होता. याप्रकरणी आरोपी बाळु दत्तू शिर्वेâ (वय ३५ रा. जवन नं. ३, ता. मावळ, जि. पुणे ) याला ताब्यात घेतले. त्याने गुन्ह्याची कबुली दिली आहे. त्याला तपासकामी लोणावळा ग्रामीण पोलीसांचे ताब्यात देण्यात आले असून सदरचा आरोपी हा सध्या न्यायालयीन कोठडी रिमांडमध्ये येरवडा जेल मध्ये आहे.
भरदिवसा दरोडा टाकणार्या टोळीला अटक, १९ गुन्हे उघडकीस
बोरीबेल ता. दौंड गावात टोळक्याने ११ जूनला दुपारी एकच्या सुमारास एकाच्या घरी दरोडा टाकला होता. ज्ञानेश्वर चंद्रकांत सावंत (वय ४१) हे पत्नी व मुलांसह घरी असताना दुचाकीवर आलेल्या चोरट्यांनी साडेतीन लाखांची जबरी चोरी केली होती. भर दिवसा दरोडा पडल्याने परिसरातील नागरिकांमध्ये भितीचे वातावरण तयार झाले होते. संबंधित गुन्हा सराईत आरोपी अटल्या ईश्वर भोसले, सचिन भोसले, गहीनीनाथ भोसले (सर्व रा. बेलगाव ता.कर्जत जि. अहिल्यानगर) यांनी केल्याची माहिती पथकाला मिळाली. संशयित आरोपी मोटार सायकलवरून सिद्धटेक ते दौंड असे जात आहेत. अशी माहिती मिळाल्याने पथकाने शिरापूर परिसरात सापळा लावून तिघानांही ताब्यात घेतले. त्यांच्याकडून ७१ हजारांचे दागिने, दुचाकी असा ऐवज जप्त केला. गुन्हा करताना मिलन उर्फ मिलिद ईश्वर भोसले , धोंडया उर्फ युवराज ईश्वर भोसले , सोन्या ईश्वर भोसले (सर्व रा.बेलगाव ता. कर्जत ) सोबत असल्याचे सांगितले.
दरोडयाचे गुन्हयात अटक करणेत आलेल्या तीन आरोपी व पाहिजे आरोपी विरोधात पुणे, सोलापुर, सातारा, छत्रपती संभाजीनगर, परभणी, बुलढाणा, बीड, साता जिल्हयामध्ये यापुर्वीचे दिवसा घरफोडयाचे सुमारे ६० गुन्हे दाखल आहेत. ते सराईत असून आंतरजिल्हा गुन्हेगारी टोळी चालवितात. सदर आरोपींची टोळी पकडणेत आल्याने दिवसा घरफोडी चोरीचे गुन्हे घडण्याचे प्रमाणात घट झाली आहे. ही कामगिरी पोलीस अधीक्षक संदीप सिंह गिल्ल, अपर पोलीस अधीक्षक रमेश चोपडे, अपर अधीक्षक गणेश बिरादार, उपविभागीय अधिकारी अमोल मांडवे, उपविभागीय अधिकारी बापूसाहेब दडस, पोलीस निरीक्षक अविनाश शिळीमकर, पोलीस निरीक्षक दिनेश तायडे, पोलीस निरीक्षक राजेश रामाघरे, पोलीस निरीक्षक गोपाळ पवार यांनी केली.
