सायबर चोरट्यांविरूद्ध गुन्हा दाखल
marathinews24.com
पुणे – पेन्शन लाईफ सर्टिफिकेट संदर्भात फोन केल्याचे भासवून सायबर चोरट्याने ७० वर्षीय जेष्ठाकडून विविध गोपनीय कागदपत्रांची माहिती घेतली. त्यानंतर त्यांच्याकडून १६ लाख ५ हजारांची रक्कम ऑनलाईनरित्या वर्ग करून घेत फसवणूक केली आहे. ही घटना २ ते ३ नोव्हेंबर कालावधीत मॉडेल कॉलनीत घडली आहे. याप्रकरणी चतुःशृंगी पोलीस ठाण्यात गुन्हा दाखल करण्यात आला आहे.
खडकीत महिलेने चोरले २ लाखांचे दागिने – सविस्तर बातमी
पोलिसांनी दिलेल्या माहितीनुसार, तक्रारदार जेष्ठ नागरिक मॉडेल कॉलनीत राहायला असून, २ नोव्हेंबरला सायबर चोरट्यांनी त्यांना फोन केला. बीओआय पेन्शन लाईफ सर्टिफिकेट संदर्भात फोन केल्याचे त्यांना भासवले. तक्रारदार जेष्ठाचा विश्वास संपादित केल्यानंतर त्यांची जन्मतारीख, युजर आयडीची माहिती घेतली. त्यानंतर त्यांना विविध बँक खात्यात पैसे पाठवायला सांगितले. तब्बल १६ लाख ५ हजार रूपये वर्ग करून घेत ऑनलाईनरित्या फसवणूक केली आहे. याप्रकरणी पोलीस निरीक्षक अश्विनी ननवरे तपास करीत आहेत.
