खडकी पोलीस ठाण्यात दोघांविरूद्ध गुन्हा दाखल
marathinews24.com
पुणे – ओळखीतील महिलेच्या घरात जाउन महिलेने १ लाख ९७ हजारांचे सोन्याचे दागिने चोरून नेले. त्यानंतर तिने चोरलेले दागिने अनोळखी सोनाराकडे गहाण ठेवल्याची घटना घडली आहे. याप्रकरणी ३७ वर्षीय महिलेने खडकी पोलीस ठाण्यात फिर्याद दाखल केली आहे. त्यानुसार दोघांविरूद्ध गुन्हा दाखल करण्यात आला आहे.
टेम्पोच्या धडकेत दुचाकीस्वार तरुणीचा मृत्यू – सविस्तर बातमी
पोलिसांनी दिलेल्या माहितीनुसार, तक्रारदार महिला खडकीत राहायला असून, फेबु्रवारी २०२१ पासून आरोपी महिला त्यांच्या घरी ये-जा करीत होती. ओळखीचा गैरफायदा घेउन तिने तक्रारदार महिलेच्या घरातील पिंपमधून १ लाख ९७ हजारांचे सोन्याचे दागिने चोरून नेले. त्यानंतर चोरलेले दागिने तिने एका सराफाकडे गहाण ठेवले. याप्रकरणाची माहिती झाल्यानंतर खडकीतील महिलेने पोलीस ठाण्यात धाव घेतली. याप्रकरणी पोलीस अमलदार सपकाळ तपास करीत आहेत.
