कामगारांविरूद्ध गुन्हा
marathinews24.com
पुणे – सॉफ्टवेअर कंपनीत काम करणार्यांनी संगनमत करून तब्बल २ कोटींची कंपनीची फसवणूक केली आहे. ही घटना २०२४ ते जून २०२६ कालावधीत कोरेगाव पार्कमधील नेलर रोड सुयोग प्लॅटिनममध्ये घडली आहे. अर्नब चॅटजी (रा. बालेवाडी) अब्दुल्ला कुरेशी ( रा. शिवाजीनगर, गोंवडी) हेमंत जुनेजा (रा. पुणे ) अशी गुन्हा दाखल झालेल्यांची नावे आहेत. सुरेश मधुकर कदम (वय ४४ रा. धानोरी) यांनी कोरेगाव पार्क पोलीस ठाण्यात फिर्याद दाखल केली आहे.
लाॅरेन्स बिष्णोई टोळीकडून ओैषध वितरकाला खंडणीसाठी धमकी – सविस्तर बातमी
पोलिसांनी दिलेल्या माहितीनुसार, कोरेगाव पार्कमधील असेसा सॉफ्ट कंपनी असून, त्याठिकाणी तंत्रज्ञानविषयक कामे केली जातात. आरोपींनी संगनमत करून जाहिरातीची बोगस बीले तयार केली. कंपनीने दिलेल्या आराखड्याला डावलून पुर्वपरवानगीशिवाय खोट्या सवलती प्रसारित केल्या. संबंधित सवलत स्वतःसह मित्रांना देउन कंपनीची फसवणूक केली. कंपनीच्या मालकीचे मोबाइल परस्पर विक्री करून नफा कमवला. आरोपींनी तब्बल १ कोटी ९६ लाखांची फसवणूक केल्याचे फिर्यादीत नमूद केले आहे. याप्रकरणी वरिष्ठ पोलीस निरीक्षक विजयकुमार डोके तपास करीत आहेत.
