वाहतूक पोलिसांनी चालकाला घेतले ताब्यात
marathinews24.com
पुणे – शहरातील लष्कर भागात मद्यधुंद मोटार चालकाला पोलिसांनी ताब्यात घेतले. भरधाव मोटारीचे चाक निखळल्यानंतर मोटार चालक निघाला होता. वाहतूक पोलिसांनी त्याला ताब्यात घेतले. सुदैवाने या घटनेत कोणी जखमी झाले नाही, अशी माहिती पोलिसांनी दिली.
कुख्यात गुंड नीलेश घायवळच्या साथीदाराकडून ४०० काडतुसे जप्त – सविस्तर बातमी
कोरेगाव पार्क भागात मद्यधुंद मोटार चालकाने पबमधील कर्मचाऱ्याला धडक दिल्याने त्याचा मृत्यू झाल्याची घटना रविवारी ( ३० नोव्हेंबर) घडली. हिंजवडी भागात सोमवारी (१ डिसेंबर) टेम्पोच्या धडकेत तीन शाळकरी मुलांचा मृत्यू झाला. अपघाताच्या घटनांच्या पार्श्वभूमीवर पोलिसांनी मद्यधुंद वाहन चालकाविरुद्ध कारवाईचा बडगा उगारला आहे. लष्कर भागात मंगळवारी रात्री मद्यधुंद मोटार भरधाव वेगात निघाला होता. मोटारीचे चाक निखळल्यानंतर मोटार त्याने पुढे नेण्याचा प्रयत्न केला. नागरिकांनी आरडा ओरडा केला. वाहतूक पोलिसांनी मद्यधुंद मोटारचालकाला ताब्यात घेतले. त्याच्याविरुद्ध कारवाई करण्यात आली. सुदैवाने या घटनेत कोणी जखमी झाले नाही, अशी माहिती लष्कर पोलिसांनी दिली.
