दिवे घाटातील रस्ता रुंदीकरणामुळे वाहतूक बंद

१२ सप्टेंबरला सकाळी ११ ते दुपारी २ वाजेपर्यंत रस्ता बंद

marathinews24.com

पुणे – राज्य मार्ग असलेल्या आळंदी ते पंढरपूर पालखी महामार्गांतर्गत हडपसर ते दिवेघाट या पॅकेज सहामध्ये रस्ता रुंदीकरणाचे काम भारतीय राष्ट्रीय राजमार्ग प्राधिकरणामार्फत सुरू आहे. या कामासाठी खडकात ब्लास्टिंग करण्याची आवश्यकता असल्याने पोलिस प्रशासनाच्या देखरेखीखाली ब्लास्टिंगचे काम करण्यात येत आहे. त्यानुसार शुक्रवारी (दि.१२) सप्टेंबर सकाळी अकरा वाजेपासून दुपारी दोन वाजेपर्यंत दिवे घाटातील वाहतूक बंद राहणार असून, दोन्ही बाजूंनी प्रवास करणाऱ्या वाहन धारकांनी पर्यायी मार्गांचा वापर करावा, असे आवाहन करण्यात आले आहे.

महाराष्ट्र विधानमंडळ लोकलेखा समितीने येरवडा कारागृहाला दिली भेट – सविस्तर बातमी

वाहन चालकांसाठी कात्रज- बोपदेव घाट (राज्य मार्ग क्र. 131) मार्गे सासवड, खेड शिवापूर –

सासवड लिंक रोड मार्गे सासवड, कापूरहोळ-नारायणपूर (राज्य मार्ग क्र. 119) मार्गे सासवड तसेच हडपसर- उरळी कांचन-शिंदवणे घाट मार्गे (राज्य मार्ग क्र. 61) सासवड या पर्यायी मार्गांचा वापर करता येणार आहे.

वाहन धारकांनी सुरक्षिततेच्या दृष्टीने या पर्यायी मार्गांचा वापर करून प्रशासनाला सहकार्य करावे, असे आवाहन भारतीय राष्ट्रीय राजमार्ग प्राधिकरण, पकाई पुणेचे प्रकल्प संचालक एस. एस. कदम यांनी प्रसिध्दीपत्रकाद्वारे केले आहे. यापुढेही ज्या दिवशी असे ब्लास्टिंगचे काम असेल त्या दिवशी रस्ता बंद होईल. त्यावेळीही वाहन धारकांनी सहकार्य करावे असे आवाहनही त्यांनी केले आहे.