कात्रज-कोंढवा रस्त्यावरील हयात केटरर्स समोर घडली घटना
marathinews24.com
पुणे – भरधाव ट्रक चालकाने दिलेल्या धडकेत दुचाकीस्वार जेष्ठ नागरिक ठार झाला आहे. हा अपघात ११ नोव्हेंबरला दुपारी पावणेदोनच्या सुमारास कात्रज-कोंढवा रस्त्यावरील हयात केटरर्स समोर घडली आहे. ट्रक चालकाविरूद्ध भारती विद्यापीठ पोलीस ठाण्यात गुन्हा दाखल करण्यात आला आहे. राजेशकुमार बाळकृष्ण शर्मा (वय ६६ रा. सायन मुंबई ) असे ठार झालेल्या दुचाकीस्वाराचे नाव आहे. पोलीस अमलदार प्रवीण पिसाळ यांनी फिर्याद दाखल केली आहे.
शाळेतील वाद उफाळून आला, चुलत्यावर केला वार – सविस्तर बातमी
पोलिसांनी दिलेल्या माहितीनुसार, दुचाकीस्वार राजेशकुमार शर्मा हे मूळचे मुंबईचे होते. ते ११ नोव्हेंबरला दुपारी पावणेदोनच्या सुमारास दुचाकीवरून हयात केटरर्ससमोरील रस्त्यावरून जात होते. त्यावेळी भरधाव ट्रक चालकाने त्यांना धडक दिली. त्यामुळे झालेल्या अपघातात राजेशकुमार गंभीररित्या जखमी झाले. उपचारादरम्यान त्यांचा मृत्यू झाल्याचे डॉक्टरांनी घोषित केले. याप्रकरणी सहायक पोलीस निरीक्षक थोरात तपास करीत आहेत.
