कदमवाक वस्तीवरील घटना
marathinews24.com
पुणे – घरामध्ये शिरून टोळक्याने दोन्ही बहिणींना बेदम मारहाण केल्याची घटना १५ नोव्हेंबरला रात्री दोनच्या सुमारास लोणी काळभोरमधील कदमवाक वस्तीवर घडली आहे. याप्रकरणी चौघाजणांना पोलिसांनी अटक केली आहे. त्यांच्याविरूद्ध आर्मअॅक्टप्रमाणे गुन्हा दाखल केला आहे.
पदवीधर व शिक्षक मतदार संघाच्या प्रारुप व अंतिम मतदार याद्या तयार करण्यास मुदतवाढ – सविस्तर बातमी
तुषार रामलिंग घोडे (वय २५ रा. रामटेकडी, हडपसर) सर्फराज समीर शेख (वय २०, रा. गंगानगर, हडपसर ) करण कन्हैया गुजराती (वय २०) आणि अरण जावेद शेख (वय २२ रा. वैदवाडी, हडपसर) अशी अटक केलेल्यांची नावे आहेत.मोनिका दोडके (रा. येरवडा) यांनी लोणी काळभोर पोलीस ठाण्यात फिर्याद दाखल केली आहे.
पोलिसांनी दिलेल्या माहितीनुसार, तक्रारदार मोनिका आणि त्यांची बहीण कदमवाक वस्तीवर राहायला आहेत. १५ नोव्हेंबरला रात्री दोनच्या सुमारास टोळक्याने त्यांच्या घरात शिरून दोघीनाही बेदम मारहाण केली. त्यानंतर हातातील लोखंडी हत्यार तक्रारदार तरूणीला मारण्यासाठी अंगावर उगारल्याचे फिर्यादीत नमूद केले आहे. याप्रकरणी सहायक पोलीस निरीक्षक कृष्णा बाबर तपास करीत आहेत.
