मोटारचालक महिलेविरुद्ध गुन्हा दाखल
marathinews24.com
पुणे – मोटारीच्या धडकेत दोन वर्षांच्या बालकाचा मृत्यू झाल्याची घटना लोहगावमधील हवाई दलाच्या वसाहतीत घडली. याप्रकरणी मोटारचालक महिलेविरुद्ध गुन्हा दाखल करण्यात आला आहे. विदार्थ विपीन मावी (वय दोन) असे मृत्युमुखी पडलेल्या बालकाचे नाव आहे. याबाबत विदार्थचे वडील विपीन राजसिंग मावी (वय ३४, सध्या रा. हवाई दल वसाहत, लाेहगाव) यांनी विमानतळ पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, महिलेविरुद्ध गु्न्हा दाखल करण्यात आला आहे.
राष्ट्रभूषण चौकात झालेल्या अपघातात दुचाकीस्वार ठार – सविस्तर बातमी
पोलिसांनी दिलेल्या माहितीनुसार, विपीन मावी हे हवाई दलात अधिकारी आहेत. त्यांचा दोन वर्षांचा मुलगा विदार्थ गुरुवारी (११ सप्टेंबर) दुपारी साडेबाराच्या सुमारास हवाई दल वसाहतीतील घरासमोर खेळत होता. त्यावेळी वसाहतीत राहणाऱ्या मोटार चालक महिलेने घरासमोर खेळणाऱ्या विदार्थला धडक दिली. अपघातात विदार्थ गंभीर जखमी झाला. त्याला तातडीने खासगी रुग्णालयात दाखल करण्यात आले. मात्र, उपाचारांपूर्वीच त्याचा मृत्यू झाल्याची माहिती पोलिसांनी दिली. अपघातास जबाबदार ठरल्याप्रकरणी मोटार चालक महिलेविरुद्ध गुन्हा दाखल करण्यात आला आहे. पोलीस हवालदार धेंडे तपास करत आहेत.
