कोंढवा पोलीस ठाण्यात गुन्हा दाखल
marathinews24.com
पुणे – शेअर ट्रेडींगमध्ये गुंतवणूक केल्यास चांगला परतावा मिळवून देण्याची बतावणी करीत सायबर चोरट्यांनी महिलेला तब्बल १७ लाखांचा ऑनलाईन गंडा घातला आहे. ही घटना २ ते १६ जून २०२४ मध्ये घडली आहे. याप्रकरणी कोंढव्यात राहणार्या ४४ वर्षीय महिलेने कोंढवा पोलीस ठाण्यात फिर्याद दाखल केली आहे. त्यानुसार मोबाइलधारकासह लिंकधारक व बँक खातेधारकाविरूद्ध गुन्हा दाखल केला आहे.
बाणेरमधील तुकाई देवी मंदीरात चोरी – सविस्तर बातमी
पोलिसांनी दिलेल्या माहितीनुसार, तक्रारदार महिला कोंढव्यात राहायला असून, २ जून २०२४ मध्ये सायबर चोरट्यांनी संपर्क साधला होता. त्यावेळी त्यांना शेअर मार्वेâटमध्ये गुंतवणूक केल्यास चांगला परतावा मिळवून देतो, अशी बतावणी सायबर चोरट्यांनी केली. त्यानुसार महिलेचा विश्वास संपादित झाल्यानंतर त्यांनी अवघ्या १४ दिवसांत तब्बल १७ लाख रूपयांची गुंतवणूक केली. मात्र, सायबर चोरट्यांनी त्यांना परतावा दिला नाही. फसवणूक झाल्याचे लक्षात आल्यानंतर महिलेने पोलीस ठाण्यात धाव घेतली. याप्रकरणी वरिष्ठ पोलीस निरीक्षक कुमार घाडगे तपास करीत आहेत.
