वाघोलीतील घटना, टोळक्याला अटक
marathinews24.com
पुणे – मित्रासोबत सुरू असलेल्या भांडणात मध्यस्थी करणार्या तरूणाला टोळक्याने बेदम मारहाण केली. त्याला शिवीगाळ करीत हातातील दांडके हवेत फिरवून दहशत निर्माण करणार्याला टोळक्याला वाघोली पोलिसांनी अटक केली आहे. ही घटना ११ नोव्हेंबरला संध्याकाळी सातच्या सुमारास वाघोलीतील ओल्डसोल कॅफेसमोर घडली आहे.
ट्रक चालकाने दुचाकीस्वार जेष्ठाला चिरडले – सविस्तर बातमी
तन्वीर अन्वर शेख (वय २२), प्रताप जयसिंग जगताप (वय २२), नागेश सुनील जगताप (वय २१), सउद कामरान इमरान अरब (वय २१), ओंकार विठ्ठल शिंदे (वय २४, सर्व रा. वाघोली ) अशी अटक केलेल्यांची नावे आहेत. रोहित वसंतराव गजमल वय २२ याने फिर्याद दाखल केली आहे.
पोलिसांनी दिलेल्या माहितीनुसार, तक्रारदार रोहित गजमल याच्या मित्रासोबत टोळक्याने वादविवाद केले होते. त्याचा जाब विचारण्यासह रोहितने भांडणात मध्यस्थी केली होती. त्याच रागातून टोळक्याने रोहितला बेदम मारहाण करीत शिवीगाळ केली. याप्रकरणाची माहिती मिळताच वाघोली पोलिसांनी टोळक्याला अटक केली आहे. तक्रारदार आणि आरोपी महाविद्यालयात शिक्षण घेत असल्याची माहिती पोलिसांनी दिली आहे. याप्रकरणी पोलीस उपनिरीक्षक अमोल काळे तपास करीत आहेत.
