टोळक्याविरुद्ध लोणी काळभोर पोलीस ठाण्यात गुन्हा दाखल
marathinews24.com
पुणे – जुन्या वादातून तरुणाला बेदम मारहाण करण्यात आल्याची घटना लोणी काळभोर भागात घडली. प्रकरणी टोळक्याविरुद्ध गुन्हा दाखल करण्यात आला. याबाबत एका तरुणाने लोणी काळभोर पोलीस ठाण्यात फिर्याद दिली आहे. त्याने दिलेल्या फिर्यादीनुसार, शंतनू धुमाळ, तेजस काळभोर, शुभम वीरकर, साहिल कोल्हे यांच्यासह दहा ते बारा जणांविरुद्ध गुन्हा दाखल करण्यात आला आहे.
गांजा विक्री प्रकरणात उत्तर प्रदेशातील तस्करांना अटक – सविस्तर बातमी
पोलिसांनी दिलेल्या माहितीनुसार, तक्रारदार तरुण आणि आरोपींचे वाद झाले होते. आरोपींनी जुन्या वादातून तरुणाला लोणी काळभोर परिसरात तरुणाला लाथाबुक्क्यांनी बेदम मारहाण केल्याची घटना नुकतीच घडली. पोलीस उपनिरीक्षक माळी तपास करत आहेत.
मोबाइल विक्री दुकानात चोरी
पुणे-मोबाइल विक्री दुकानाचा दरवाजा उतकटून चोरट्यांनी मोबाइल, तसेच अन्य साहित्य असा एक लाख ५३ हजार रुपयांचा मुद्देमाल लांबविल्याची घटना लोणीकंद भागात घडली.
व्यावसायिकाने लोणीकंद पोलीस ठाण्यात फिर्याद दिली आहे. त्यांनी दिलेल्या फिर्यादीनुसार चोरट्यांविरुद्ध गुन्हा दाखल करण्यात आला आहे. पोलिसांनी दिलेल्या माहितीनुसार, तक्रारदाराचे नगर रस्त्यावरील वाडेबोल्हाई रस्त्यावर मोबाइल विक्री दुकान आहे. चोरट्यांनी २१ ऑगस्ट रोजी मध्यरात्री दुकानाचा दरवाजा उचकटून जुने आणि नवीन मोबाइल, अन्य साहित्य असा मुद्देमाल लांबविला. पोलीस उपनिरीक्षक अर्जुन थेरे तपास करत आहेत.
